سوري في برنامج من سيربح المليون...

سوري في برنامج من سيربح المليون... بقلم :محمد عقيل
مساهمات القراء
ارسل رسالة الاس ام اس عله يستطيع ان يشارك ببرنامج من سيربح المليون فهناك امال واحلام كثيرة قد يحققها اذا وصل الى المقعد وواجهه جورج قرداحي فهو سيضع نصب عينيه المليون ولا شيئ سيوقفه باتجاه ذلك

وتحول الحلم الى حقيقة , لقد وصل الى البرنامج وها هو يجلس مع بقية المتسابقين ويواجه سؤال السرعة الأول
جورج قرداحي يسئل كم ساعة تنقطع الكهرباء باليوم في سوريا 24 ساعة ام 18 ساعة ام 12 ساعة ام 8 ساعات ام ذلك يعتمد على صلاحية التجهيزات الموجودة بشركة الكهرباء وصيانتها وتحديثها
لقد فاز بسؤال السرعة وها هو جورج قرداحي يدعوه للجلوس والتحدي
يسئله جورج قرداحي عرفنا على نفسك
يجيب شاب سوري خريج جامعي مثقف غير متزوج عندي بسطة اعمل عليها حاليا لحين حصولي على وظيفة تناسب مؤهلي العلمي
يجيب جورج قرداحي برافو وانشاءالله بتربح معنا اليوم وبيغنيك الله من العمل عند الدولة
انت جاهز السؤال الأول فيجيب اكيد إذن خلونا نبلش
ما هي اقدم مدينة بالتاريخ هل هي دمشق ام طوكيو ام دبي ام نيويورك يجيب وبسرعة دمشق , الجواب صح ويمازحه جورج قرداحي بس المشكلة انكن متمسكين بانكن تضلوا اقدم مدينة يعني ما عمبتحسنوا الخدمات
السؤال الثاني ما هي الضربية التي تأخذها الحكومة دون ان تقدم خدماتها
هل هي ضريبة الرفاهية ام ضريبة النظافة ام ضريبة الدخل ام كل ما سبق
الجواب كل ما سبق , يمزح جورج ويعلق بس بقية الضرايب والخدمات ممتازة
السؤال الثالث كيف يمكن للمسؤول ان يبقى اطول فترة في منصبه
بالعمل والتفاني في خدمة الوطن ام بإنتخابات حرة وشريفة ام في عندما يرى انه لا يوجد من يستحق هذا المنصب افضل منه ام بالواسطه والمحسوبيات والدفع والرشاوي , الجواب الأخير وصح برافو يا سوري مبين انك مصمم تفوز معنا اليوم بس بحب خبرك انو انت ضمنت ال 2000 ريال يعني ممكن على الأقل تستاجر فيهم بيت غرفة ومنتفعات لمدة شهر
المرحله التانية كتير دقيقة وبحب اذكرك انو عندك 4 وسائل مساعدة
السؤال الأول عندما تدخل الى دائرة من دوائر الدولة لمعاملة معينة ماذا تشعر بنفسك هل انك , 1- بتسئل نفسك يا ترى ايمتى راح تخلص هالمعاملة واديه بدها تكلفني
2 -هل راح اسمع كم كلمة واتبهدل من الموظف 3 -هل راح حس اني داخل على شركة خاصة او شركة ابوه للموظف 4 - كل ما سبق
بيجاوب المواطن اكيد كل ما سبق
بيحاول جورج يلعب باعصابوا انت واثق من الجواب وما تنسى انك ممكن بس ترجع تنكمش وتتحول لشي جهة امنية
المواطن انا واثق من الإجابة ونحن صرنا بلد حر بنقدر نقول على الغلط غلط بدون ما نخاف بس المشكلة بدنا وقت لنصلح هالغلط
برافووو يا مواطن الحقيقة انك جرئ وانا بحي فيك هالروح الوطنية
السؤال يلي بعدو ما هو التصنيف العالمي لمنتخب سوريا بكرة القدم هل هو 85 ام 95 ام 105 ام 113
بيجاوب المواطن والله انا ما كتير شاطر بالرياضة بس ما بتوقع انو نحن كتير تراجعنا لأنو بتذكر انو كان عنا منتخبات قوية ومع هيك اسمحلي اتصل بصديقي ابو عبدو لأنو هو بيعشق كرة القدم
اوك اذا راح نتصل ونسئل توت توت بيطلع ابو عبدوا , ابو عبدوا ما معنا غير 30 ثانية بدي اسئلك عنجد صار ترتيبنا فوق الميه بالتصنيف العالمي لكرة القدم , بيجاوب ابو عبدو اه يا صديقي واللهي اني عاهدت نفسي ما بقى تابع اي مبارة للمنتخب لأنو ما بقى في هالروح القتالية وهالرغبة بالفوز صارت الفرق المغمورة تتقاوى علينا ولحد هلأ ما لقينا خطة مناسبة
بينقطع الخط وبيسئل جورج قرداحي المواطن الظاهر صديقك قلبوا محروق كتير وحتى انو نسي يجاوبك على السؤال بس شو برأيك راح يكون الجواب
المواطن اكيد الجواب 113 وانشاء ما يزيد هالرقم سنة عن سنة
برافوو خطوات قليلة وبتصل للمليون
وهيك سؤال بعد سؤال وبعد استنفاذ كل وسائل المساعدة وصل مواطنا العزيز لسؤال المليون بعد ما تلفت اعصابوا على الأخر
سؤال المليون كتير بدو تركيز ولازم تفكر فيه منيح
ركز معي منيح طفوا الاضواء والجمهور بليز بدون صوت
السؤال هو مين قتل رفيق الحريري
هل هنن الامريكان ام الاسرائليين ام سعد الحريري ام السوريين
وهون حس حالوا بورطة كبيرة وحس حالوا ان راح يختنق السؤال صعب كتير مع انو الجواب معروف واللعبة مكشوفة لأنها لعبة دول كبيرة حابة تغير معالم المنطقة ورغم انو المحكمة اللي بيسموها دولية حابة تورط سوريا وكل مره بيطلعوا بقصة شكل
وعلى صوت بياع جرر الغاز وقطعة الكهربا بعز الضهر استيقظ اخونا المواطن بدون ما يربح شي لأنو سمعة ومحبة البلد اغلى من مية مليون